بطريقة بسيطة أحسب كميات أعمال المبانى فى الموقع

بطريقة بسيطة احصر أعمال المبانى

على بركة الله

بقلم: مهندس محمود كامل .

تنويه : المقال به أمثلة ستساعدك على فهم الموضوع ببساطة.

حساب كميات أعمال المبانى المطلوبة فى الموقع

مقاس الطوبة الإفتراضي = الطول × العرض (العمق) × الإرتفاع = 25 سم × 12 سم × 6 سم .

عند البناء يكون واجهه الطوبة ( الطول × الإرتفاع ) = ( 25 سم × 6 سم ) = ( 0.25 م × 0.06 م ).

يتم حساب الأمتار المسطحة ( متر مربع )
للحوائط المطلوب تنفيذها ثم نقسم الناتج على واجهه الطوبة ( 0.25 م × 0.06 م )= 0.015 م²

مثال 1 : بفرض لدينا حائط ارتفاع هذه الحائط يساوى 3 م و طول هذه الحائط 4 متر .
ج: مساحة المبانى المطلوبة لهذه الحوائط عبارة عن ( الطول × الارتفاع ) = 4 م × 3 م = 12 م².

عدد الطوب المطلوب لتنفيذ هذه الحائط = ( مساحة الحائط ÷ مساحة الطوبة الواحدة )= (12 م² ÷ 0.015 م² )= 800 طوبة .
مع العلم أعمل حساب فى 5% هدر
حساب الهدر لهذه الحائط = 5% × 800 = 0.05 × 800 = 40 طوبة هدر ( زيادة ) .
يصبح المجموع النهائى للطوب لهذه الحائط = 800 + 40 = 840 طوبة .

أو بطريقة أخري

المجموع النهائى للطوب لهذه الحائط = 1.05 × 800 = 840 طوبة .
معلومة : على الـــ 1000 طوبة يوجد هدر قدره 50 طوبة ( مقدار الـــ 5% هدر ) .
ملحوظة : يمكن حساب المتر المربع الواحد بــ 60 طوبة و ذلك لأننا حسبنا قيمة المونة بين الطوب و بعضه و المونه هنا لها تأثير على عدد الطوب المطلوب .
نحن عندنا حائط 12 م² × 60 طوبة للمتر المربع الواحد = 720 طوبة ( هذا تقريبى ).

فى الطوب متى نستخدم الحصر بالمتر المربع و بالمتر المكعب؟

الحصر بالمتر المربع ( المتر المسطح ) :

تستخدم مقياس المتر المربع ( المتر المسطح ) فى حالة الـ ½ طوبة .

فى هذه الحالة يتم حساب عدد الطوب ( مثل المثال الموجود بالأعلى )

عدد الطوب =( مساحة الحائط بالمتر المربع ÷ مساحة الطوبة الواحدة بالمتر المربع )

المساحة هنا سواء للحائط أو الطوبة = الطول × الإرتفاع

راعى الوحدات هتتعامل بالمتر المربع يبقى الحائط و الطوبة بالمتر المربع

هتتعامل بالسنتيمتر المربع يبقى الحائط و الطوبة بالسنتيمتر المربع ( أهم شى الوحدات ).

طبعاً حضرتك بتسأل متر مربع و متر مكعب ، كيف أعرف الحائط هذه متر مكعب و متر مربع ؟

سهلة جداً : الحوائط الداخلية كلها بالمتر المربع لأنها عبارة عن حائط نصف طوبة أما الحوائط الخارجية للمبنى فهذه بالمتر المكعب لأنها طوبة كاملة و هذا من أجل الحفاظ على درجة حرارة شقق المبنى .

الحصر بالمتر المكعب ( المتر التكعيبى ) :

تستخدم مقياس المتر المكعب ( المتر التكعيبى ) فى حالة الـــــ طوبة الكاملة .

فى هذه الحالة يتم حساب عدد الطوب عبارة ( حجم ÷ حجم )

عدد الطوب = ( حجم الحائط بالمتر المكعب ÷ حجم الطوبة الواحدة بالمترالمكعب )

الحجم هنا أقصد سواء للطوبة أو الحائط = الطول × العرض × الارتفاع

راعى هنا الوحدات ( أهم شئ الوحدات ).

تعالى هنا : هعطيك مثال
مثال 2 :

بفرض لدى

أبعاد الحائط المطلوبة ( الطول × العرض(العمق) × الإرتفاع ) = ( 400 سم × 20 سم ×300 سم ).

أبعاد الطوبة الواحدة ( الطول × العرض( العمق ) × الإرتفاع ) = ( 20 سم × 6 سم × 10 سم ).

اذن :

حجم الحائط = 400 سم × 20 سم × 300 سم = 2400000 سم³.
حجم الطوبة الواحدة = 21 سم × 7 سم × 11 سم = 1617 سم³.
لاحظ فى الطوبة الواحدة قد أضفت 1 سم زيادة فى الأبعاد كلها ، لماذا ؟

لأنى عملت حساب المونة معانا فى الحسابات ( ممكن لا تعمل حسابها لكن الأفضل عمل حسابها لأنها مؤثرة فى عدد الطوب ).

عدد الطوب = ( حجم الحائط بالسم³ ÷ حجم الطوبة الواحدة بالسم³ )= 2400000 سم³ ÷ 1617 سم³ =1484 طوبة
(خلى بالك بلغة السوق بيقولك قرِب الرقم لـــ 50 بالزيادة )
يعنى عدد الطوب = 1500 طوبة .
( خلى بالك بلغة المهندسين خد 5% هدر )
يعنى عدد الطوب = 1484 × 1.05 = 1560 طوبة تقريباً .
فى النهاية الرقمين لن نختلف فيهما ( لغة السوق تحب الزيادة ) و ( لغة المهندسين تحب التوفير ).

متى أطلب طلبيات طوب المنشأ ؟

الإجابة على هذا السؤال : لا تأتى بكل طلبيات المنشأ إلا بعد تجربة الدور الأول .

كيف أحول من متر مسطح أو متر مكعب إلى 1000 طوبة ؟

طبعأ حضرتك هتقولى يا بشمهندس المقاولين لا يعرفون الشغل بالمتر المربع أو المتر المكعب و هيتعبونى ، أعمل إيه ؟

هقولك سهلة جداً :

أنت فى البداية سواء تعمل بالمتر المربع أو المتر المكعب ، أحسب و شوف كم متر ( مربع أو مكعب ) هيعطيك ألف طوبة ؟

مثال : فى ( مثال 2 ) المثال السابق وجدنا أن الحائط أبعاد ( 4 متر × 0.2 متر × 3 متر ) = 2.4 متر مكعب ( تمام ؟ )

أحتاجت الحيطة السابقة ( 1500 طوبة ) (صح ؟ ).

طيب أنا هنا محتاج الـــ 1000 طوبة فيها كم متر مكعب ( صح ؟ ).

بطريقة بسيطة نسبة و تناسب

2.4 م³ -----------> 1500 طوبة

؟ م³ -------------> 1000 طوبة

شايف العلامة الاستفهام اللى باللون الأحمر دى ، هى دى المطلوبة ( اعمل مقص علشان تعرف تجيب قيمتها ).

؟ = (( 2.4 م³ × 1000 طوبة ) ÷ 1500 طوبة )= 1.60 متر مكعب.

يعنى الـــ 1000 طوبة تعمل 1.60 متر مكعب .

----------------------------------

هعطيك مثال آخر : فى المثال رقم واحد فى المقال ( مثال 1 ) .

وجدنا أن الحائط أبعاد ( 4 متر طول × 3 متر ارتفاع ) = 12 م² ( تمام ؟ )

احتاجت الحيطة ( 840 طوبة بحساب الهدر الهندسى ) ( صح ؟ )

طيب أنا هنا محتاج الـــــ 1000 طوبة فيها كم متر مربع ( صح؟ ) .

بطريقة بسيطة نسبة و تناسب

12 م² -----------> 840 طوبة
؟ م² -------------> 1000 طوبة

شايف العلامة الاستفهام اللى باللون الأحمر دى ، هى دى المطلوبة ( اعمل مقص علشان تعرف تجيب قيمتها ).
؟ = (( 12م² × 1000 طوبة ) ÷ 840 طوبة )= 14.30 متر مربع تقريباً .
يعنى الـــ 1000 طوبة تعمل 14.30 متر مربع .

يعنى روح للمقاول الــ 1000 بتاعتك هحسبهالك بـــ 14.30 متر مربع ( فاهمنى ؟) .

الــ 1000 طوبة تحتاج كم متر مكعب رمل و كم شيكارة أسمنت ؟

قبل الإجابة على سؤالك لابد من معرفة أن الطن أسمنت به 20 شيكارة ( كيس أسمنت ) ووزن الكيس = 50 كجم.

الـــ 1000 طوبة تحتاج ½ م³ رمل + 3 شيكارة ( كيس أسمنت )

قد يهمك أيضاً :

معلومة في كتابي

بطريقة بسيطة أحسب كميات أعمال المبانى فى الموقع